شعر مجميل

موضوع: شعر مجميل السبت نوفمبر 21, 2009 10:47 pm

السلام عليكم ورحمة الله وبركاته :

انقل لكم اليوم قصيدة اكيد كلكم اتعرفونها

لكن في المنتدى (فخر الاجيال ) لصاحب السمو حمدان بن محمد بن راشد ال

ارجو ان تستمتعو في قراءتها ولمس معانيها وتذوقها ....

فخـر الأجيـال

على وصف الرجال اللي تسمّى بالفعـال رجال= لفت بيـض العلـوم وبيّـض الله وجـه راعيهـا
لفت ما كنّها الاّ سبّـق الخيـل ان بـدت تختـال=نواصيهـا النعـوت وفـي مناكبهـا.. قوافيـهـا
قصايد والقصايـد مـا نساومهـا بجـاه وْمـال=نعـبّ بحورهـا وان هـاج مزملهـا نرسّيـهـا
إذا امتدّ الفكر وامتـدّ ليلـي والقصيـد وطـال=توشّحت الشـوارد ولبسـت الاشعـار غاليهـا
كذب من قال ساعَفني عليهـا الجـن يـوم تقـال =أنا البـس جنّهـا واصـدر مواردهـا واروّيهـا
أنا وْلا فخر نجـل الشامـخ المتمـرّس الريبـال=على وصفـه تجارينـي القصايـد قبـل اجاريهـا
على (محمد إبن راشد إبن مكتـوم) طـاب الفـال=وطابت لـي قبـل لا الـزم قوافيهـا.. معانيهـا
متى قالوا صواريها المعانـي.. مـا هنـاك اشكـال=حـرام انّـي لمـدّ شراعهـا لأكبـر صواريهـا
على اكبر منبر ارميها ثنا وْعـز وْفخـر واجـلال=ما دام ان الثنا لأهله.. على اكبـر منبـر ارميهـا
لاجل قرمٍ غرس حلمه لشعبـه واثمـرت الآمـال=حقايـق نبصـر اوّلهـا.. ونتبـاشـر بتاليـهـا
حقايق واضحه من دون ابو راشد صعـب تنطـال=تباركهـا القلـوب وتبهـر الناظـر مغانيـهـا
مغانيها تراود كـل عطـرٍ مـا خطـر ع البـال=واراضيها يـراود كـل عاشـق فـوع ناديهـا
أراضيهـا الخزامـا والنفـل والبختـري والهـال=وما يخطر علـى بـال العطـر يزخـر باراضيهـا
ولي فيها محب أسرف على قلبـي وحـط وشـال=طلب روحي وروحي منـه فيهـا اللـي يكفّيهـا
من اوّل ما عرفتـه والضلـوع تجـرّ لـه مـوّال=ولا ادري نيّتـه بضلـوع صـدري وش تواليهـا
أنـا محتـار مـا بينـه وبيـن (دبـي) بالمثـقـال=يا أمّـا (دبـي) لـه تحـلا أو انّـه لـي محلّيهـا
أو انّ (دبي) تحـلا لان أبـو راشـد لهـا خيّـال=نعـم والله وتسبـق خيلهـا مـن سبـق واليهـا
(دبي) العِز مـن طيـب النسايـم عودهـا ميّـال=تمسّـي صاحـب القـدر ونحـن باسمـه نمسّيهـا
صدى داره بشرق وغرب وجنوب التقى وشمـال=قبض الاربـع جهـات يليـن داره ذاع طاريهـا
طغى عزمه على وعر الدروب وله غدت مسيـال=تسيل الأرض لاقدامـه وتفخـر مـن مواطيهـا
غريبه كيف جادت بـه سنينـه والسنيـن بخـال؟=والاغرب كيف تضما له وهـو بالجـود يسقيهـا؟
لو ان المجد سهل ان كان كلٍ طـال منـه وْنـال=دروب المجـد ودروب العـلا صعبـه مراقيـهـا
طويل العمر ما جيت اعتزي في وصفـك الأمثـال=ولكـن المثايـل تعتزيـنـي بــك.. والبّيـهـا
يابوي ابشر ترى شبلك توارت عن مـداه اشبـال=وثب فوق الدروب وسابقـت رجلـه خطاويهـا
ورث عزمك وحزمك والخصال تجرّ طيب خصـال=مواثيقـه علـى طـرق المكـارم بـك يجدّيهـا
إذا شدّ الفخر لاجلك رحاله قمت اشـدّ رحـال=على نهجك.. عشان افرد رحاله وارجـع اطويهـا
واذا قالوا: من ادرى بالحصابـي والـوزون ثقـال=عرفت ان الوزون ثقال وانـت ادرى بْحصابيهـا
على الدنيا جدال الاّ انت والله ما عليـك جـدال=مع ان إيدك يجـادل كـل وادي سيـل واديهـا
لو ان السحب تنشا من كفوف امست عليك ظلال=وخرّت ساجده لاهل الثرى مـن جـود منشيهـا
مكارمك المكارم والعطايـا مـن بحـرك جـزال=لو ان السفن تجري فـي يمينـك ضـاع شاطيهـا
يمينك كم لاحت وابرقت وابطت وهـي تنهـال=ولا والله تـدري عـن يسـارك كـم معاطيهـا
وكم رجلٍ بصدره حاجه وجاك وقبـل لا يسـأل=عطيته.. كنّـك ادرى بالصـدور وْسـرّ خافيهـا
وكم حلمٍ سبقته.. كان في عيـن الزمـان محـال=تقول المقبـلات افضـل عليـك اسـرار باريهـا
يقولون اختصرت اجيال واقول انته فخر الاجيـال=إذا الأجيال بك ما تفتخر.. مـن يفتخـر فيهـا؟![/poem]

موضوع: رد: شعر مجميل الإثنين نوفمبر 23, 2009 2:13 am

لو ان المجد سهل ان كان كلٍ طـال منـه وْنـال=دروب المجـد ودروب العـلا صعبـه مراقيـهـا

كلامك صح يا برنس

المجد اكيد مش شهل تسلم ويسلم موضوعك

كلام جميل واحساس راقى